不良銷售手法個案 Poor sales issues

[QEpark]

美聯嚴打9項經紀陋習 布少明：冇業績代理上改進課程！
https://hk.finance.yahoo.com/news/%E4%BB...00360.html



地產市道低迷，經紀難撈，美聯集團（1200）上周公佈2022年中期業績半年虧損2.32億元，事隔一周，今日坊間有一張美聯內部會議相片流出，其中在一份簡報中提到嚴打9項經紀陋習，包括「散漫被動無心態」、「拒拍片拒宣傳」等等。美聯物業住宅部行政總裁(港澳)布少明接受BossMind承認相中人正是他，他表示，如果冇業績的代理，公司需要他上改進課程。

布少明表示，網上流傳的是公司內部會議時的相片，至於為何提出嚴打9項陋習，他表示：「呢個係我哋內部開會內容，我唔評論太多啦。」問到是否因為近期樓市淡靜業績差，所以要求員工整頓歪風，他認為：「內部開會我唔評論太多啦，其實不嬲存在呢啲（陋習）都係唔啱㗎啦。」

香港二手樓市交投轉弱，地產代理難撈，布少明指公司未有裁員打算和行動：「但好坦白，如果冇業績嘅代理，公司需要佢上改進課程，亦都要佢面見董事，希望提升代理能力，開唔到單一定有原因，另外樓市淡靜，有部份員工係自然流失，佢覺得搵唔到食、開唔到單都係會走。」對於樓價下跌，影響交投氣氛，布少明表示現時要展望10月份施政報告以及11月會否通關，如果都沒有樓市利好因素出現，預料樓市全年跌約8％。

另一間大型地產代理行見到行家出手，旋即於管理層whatsapp群組發出以下訊息：「地產代理淘汰賽！行家都開始緊張執行紀律！作為主管的你們，還有很多遲到早走！日常工作無所事事！全新新盤唔緊唔張！」

美聯嚴打9項經紀陋習
1）遲到早收

2）潛水偷懶

3）散慢被動無心態

4）處事草率馬虎

5）Update量低

6）拒拍片 拒宣傳

7）拒Cold Call

8）拒擺檔 拒Open Day

9）衣著不專業