72歲葉振棠覓第二春 同大陸中女摸面咀嘴

[Latour]

72歲葉振棠覓第二春
同大陸中女摸面咀嘴
http://hk.dv.nextmedia.com/actionnews/hi...1487314279

今年72歲殿堂級歌手葉振棠，前年失去多年老伴于楓。一直有眼疾嘅佢，月初喺尖沙嘴文化中心舉行兩瑒演唱會。原來葉振棠唔止唱歌有毅力，連發展戀情亦同樣有心有力。

曾經講過話自己年紀唔細，未必會再覓第二春嘅葉振棠，昨日就俾傳媒影到佢同一個年約30歲嘅女仔，喺演唱會後，雙雙由文化中心秘道離開。期間二人十指緊扣，男方邊摸女方臉頰邊喁喁細語，憐惜之情盡現，葉振棠到達大角咀親戚寓所時，依依不捨嘅佢，仲伸頭入車廂，同女方肉緊咀嘴。有愛情滋潤嘅葉振棠，難怪近日面色紅潤，精神亦見飽滿。

據報道所講，葉振棠呢位紅顏知己，本身係大陸人，因一次朋友聚會結識到葉振棠，女方對棠哥溫柔體貼，千依百順，為見棠哥，亦不時穿梭中、港兩地照顧男方，難抵真愛嘅葉振棠，近日終於同女方發展爺孫戀。