05-01-2016, 07:58 AM
http://hk.apple.nextmedia.com/news/art/2...1448586678
【本報訊】路透社前攝影記者楊德銘，計劃出版有關警察日常執勤百態的攝影集，卻處處碰壁，不單藝發局拒批資助，集資製作亦因題材敏感，一波三折。新成立的Brownie Publishing，是罕有願接手的獨立出版社。熱愛攝影的創辦人鍾卓玲，為推動本土文化，矢志助有心人「將like變成一碗可以餬口嘅飯」。小本經營，由網絡返回現實的一盤生意，看似險象環生，小妮子卻義無反顧，且聽這個年輕出版人怎麼說。
記者：呂麗嬋
[■出版社在網上徵集百人自拍照出影集，藉以反思不同人眼中的自己。] ■出版社在網上徵集百人自拍照出影集，藉以反思不同人眼中的自己。
「智能手機普及、社交網絡流行，影食物相呃like，係好多人嘅日常。自細鍾意影相，同好多人一樣，偶爾會將影咗嘅相，放上網公諸同好，有人like梗係開心。但我就諗，like完又點？㩒個like好易，兩秒唔使，現實啲講，幾多like都好，到底唔可以當飯食。無怪好多人話，用相片表達嘅藝術創作，喺香港無市場，靠出版攝影集同賣art work維生，仍係遙不可及嘅夢。
「尤其今時今日，都說紙媒已死，實體書冇人買，遑論攝影集。有人甚至覺得，買photobook，同去乜展物展一樣，係好離地嘅事。所以，搞一個專注出攝影集嘅出版社，好多人唔睇好，絕對可以理解。不過有啲嘢，再難都好，唔試過唔會心息。因為影相，識咗好多當紅網絡攝影師，網頁動輒有過萬followers。有時都會唉聲嘆氣：有like好過無like，但點樣先可以將like變成一碗可以餬口嘅飯？令支持唔再只限於㩒個like？
爭取followers現實支持
「一萬個followers之中，如果其中十分一願意like完走回現實世界，掏腰包買本攝影集，或已足夠生存？呢個如果，冇驗證過，但我一直記住。出嚟做咗幾年嘢，儲咗筆錢，甚至試過減人工，去出版社見工，為掌握出版流程。上年，夢想終於成真。Brownie，源自當年攝影得以普及嘅Brownie相機，希望香港嘅攝影集文化，都可以好似日本同台灣咁，遍地開花。
「睇準selfie潮流，頭炮係同一個藝術家合作，喺網上徵集100個人嘅自拍照，反思唔同人眼中嘅自己。唔夠錢，就以網上集資方式，搞展覽同出版結集，實行網絡同出版crossover。最新一本攝影集，就同網絡當紅攝影師Wilson Lee（李偉信）合作，以高空觀察城市脈動為主題，用另類角度，睇香港人熟透嘅日本，由攝影師喺網上直銷。
「對於我哋一類中小型出版社，連鎖書店都會收取發行折扣，即類似超市上架費，一般五五分賬，即係一本書賣$100，到我哋手只有$50，加上印刷成本、版稅同燈油火蠟，淨袋嘅分分鐘5、6蚊都冇。而最重要係，攝影集市場窄，喺香港未成氣候，就算你願意同書店分賬，人哋都未必受你玩。
「困難好多，都係摸着石頭過河。大半年出咗4本攝影集，有關於雨傘運動，也有本地攝影師嘅街拍，每個攝影師，都有佢哋背後想表達嘅訊息。出版仍然蝕本，我同另外兩個拍檔，都要兼職幫補生活，有台灣書籍設計師見我哋咁窮，免費幫我哋設計創意封面。呢條係窄路，但我深信並唔孤單。唔奢望賺錢，如果可以提升到大眾閱讀相片嘅能力；或者喺㩒個like以外，願意走出網絡，實質支持吓本地創作，已經功德無量。」
【本報訊】路透社前攝影記者楊德銘，計劃出版有關警察日常執勤百態的攝影集，卻處處碰壁，不單藝發局拒批資助，集資製作亦因題材敏感，一波三折。新成立的Brownie Publishing，是罕有願接手的獨立出版社。熱愛攝影的創辦人鍾卓玲，為推動本土文化，矢志助有心人「將like變成一碗可以餬口嘅飯」。小本經營，由網絡返回現實的一盤生意，看似險象環生，小妮子卻義無反顧，且聽這個年輕出版人怎麼說。
記者：呂麗嬋
[■出版社在網上徵集百人自拍照出影集，藉以反思不同人眼中的自己。] ■出版社在網上徵集百人自拍照出影集，藉以反思不同人眼中的自己。
「智能手機普及、社交網絡流行，影食物相呃like，係好多人嘅日常。自細鍾意影相，同好多人一樣，偶爾會將影咗嘅相，放上網公諸同好，有人like梗係開心。但我就諗，like完又點？㩒個like好易，兩秒唔使，現實啲講，幾多like都好，到底唔可以當飯食。無怪好多人話，用相片表達嘅藝術創作，喺香港無市場，靠出版攝影集同賣art work維生，仍係遙不可及嘅夢。
「尤其今時今日，都說紙媒已死，實體書冇人買，遑論攝影集。有人甚至覺得，買photobook，同去乜展物展一樣，係好離地嘅事。所以，搞一個專注出攝影集嘅出版社，好多人唔睇好，絕對可以理解。不過有啲嘢，再難都好，唔試過唔會心息。因為影相，識咗好多當紅網絡攝影師，網頁動輒有過萬followers。有時都會唉聲嘆氣：有like好過無like，但點樣先可以將like變成一碗可以餬口嘅飯？令支持唔再只限於㩒個like？
爭取followers現實支持
「一萬個followers之中，如果其中十分一願意like完走回現實世界，掏腰包買本攝影集，或已足夠生存？呢個如果，冇驗證過，但我一直記住。出嚟做咗幾年嘢，儲咗筆錢，甚至試過減人工，去出版社見工，為掌握出版流程。上年，夢想終於成真。Brownie，源自當年攝影得以普及嘅Brownie相機，希望香港嘅攝影集文化，都可以好似日本同台灣咁，遍地開花。
「睇準selfie潮流，頭炮係同一個藝術家合作，喺網上徵集100個人嘅自拍照，反思唔同人眼中嘅自己。唔夠錢，就以網上集資方式，搞展覽同出版結集，實行網絡同出版crossover。最新一本攝影集，就同網絡當紅攝影師Wilson Lee（李偉信）合作，以高空觀察城市脈動為主題，用另類角度，睇香港人熟透嘅日本，由攝影師喺網上直銷。
「對於我哋一類中小型出版社，連鎖書店都會收取發行折扣，即類似超市上架費，一般五五分賬，即係一本書賣$100，到我哋手只有$50，加上印刷成本、版稅同燈油火蠟，淨袋嘅分分鐘5、6蚊都冇。而最重要係，攝影集市場窄，喺香港未成氣候，就算你願意同書店分賬，人哋都未必受你玩。
「困難好多，都係摸着石頭過河。大半年出咗4本攝影集，有關於雨傘運動，也有本地攝影師嘅街拍，每個攝影師，都有佢哋背後想表達嘅訊息。出版仍然蝕本，我同另外兩個拍檔，都要兼職幫補生活，有台灣書籍設計師見我哋咁窮，免費幫我哋設計創意封面。呢條係窄路，但我深信並唔孤單。唔奢望賺錢，如果可以提升到大眾閱讀相片嘅能力；或者喺㩒個like以外，願意走出網絡，實質支持吓本地創作，已經功德無量。」