03-22-2019, 03:30 AM
【逃犯條例】陳日君指內地無法無天 贊成修例非無知則邪惡
https://hk.news.appledaily.com/local/rea...1/59395848
港府提出的《逃犯條例》修訂,最大憂慮是開放內地向特區要求引渡逃犯,但內地人權狀況備受批評,被移交者能否獲得公平審訊是一大問號。天主教香港教區榮休主教陳日君樞機接受《議事論事》訪問時回應事件,指若對中國情形有些許了解的人都會明白有關憂慮,自言自己從內地來港,眼見家人及教會人士受過不少冤枉苦難,「完全睇過晒,(內地情況)真係好可怕,完全無法無天」,反問如何放心將逃犯交予內地,「有啲人真係無知咁講嘢都可以原諒,有人知嘅仲咁做真係好邪惡」。
他又直言對香港一國兩制不感樂觀,指摘內地不明白香港制度,「佢哋無意中破壞我哋制度,根本唔識,事實上我好早就覺得已經唔得」,形容香港法治已經「冇咗」,加上立法會修改議事規則、DQ事件更令一國兩制蕩然無存,但他個人不感驚奇,「都有心理準備」,又直斥破壞一國兩制是「好醜陋」的事,「因為係好隆重咁喺全世界面前應承咗嘅嘢,而家咁破壞,係太瘋狂」,強調破壞香港「大家冇好處,跟住大陸一齊死,大陸可能多啲力量可以忍得,我哋冇咗就冇咗,香港好脆弱,破壞一國兩制好嚴重,希望有權啲人要選擇吓」。
回望雨傘運動,陳日君表示,當初並不太贊成學生做法,認為學生缺乏策略,面對狡猾的政府「輸咗好多」,但現時探望在囚青年,發現他們堅強又和平,「所以我覺得有將來嘅,暫時或者覺得好無奈,而家好似冇嘢,唔使心急,唔係冇嘢,係喺度成長緊」,他指雨傘運動可能令人對民主運動「驚驚哋」,但相信長遠而言會有好的效果,「至少引起國際注意」,直言政府現時不懼怕,但他日或會後悔,「嗰啲人以為自己可以放肆隨便做啲好唔公道嘅嘢,我哋唔使怕佢,唔使怕佢遲早上天會搞掂」。他寄語年輕人加強合作,並向外國如波蘭學習,在不違法情況下令政府擔心,要作出回應。
被問到他公開批評中梵秘密臨時協議引來指摘,被指挑戰教宗是違反教條,陳日君指「教宗不能錯」的適用範圍都有限制,好難用「不能錯」的權位行事,指教宗在智利犯錯後都勇敢認錯及道歉,並稱身為樞機,有責任為教宗給予意見,「唔係教宗講就聽,都要諗吓,以自己良心話教宗啱唔啱」,但強調並非指罵或攻擊教宗,僅是表達教廷有行為令人憂慮。
他指難以明白協議何以要秘密進行,認為即使是臨時協議都應公開,「係咪照呢個協議執行,我又唔知喎」,批評內地政府欺騙外界,指教宗到底同意了哪些事,「比如話要(教徒)上嚟參加愛國會(中國天主教愛國會),教宗無講㗎,協議肯定冇呢樣」,強調協議公開就不會出現這些問題。被問到會否被香港教區或者梵蒂岡「炒魷魚」,他認為不會,「樞機只有教宗係佢長上,就算國務卿唔鍾意我,佢都唔係我長上,佢無權」,加上他已退休,「我係好自由嘅人,冇得冇失」。
https://hk.news.appledaily.com/local/rea...1/59395848
港府提出的《逃犯條例》修訂,最大憂慮是開放內地向特區要求引渡逃犯,但內地人權狀況備受批評,被移交者能否獲得公平審訊是一大問號。天主教香港教區榮休主教陳日君樞機接受《議事論事》訪問時回應事件,指若對中國情形有些許了解的人都會明白有關憂慮,自言自己從內地來港,眼見家人及教會人士受過不少冤枉苦難,「完全睇過晒,(內地情況)真係好可怕,完全無法無天」,反問如何放心將逃犯交予內地,「有啲人真係無知咁講嘢都可以原諒,有人知嘅仲咁做真係好邪惡」。
他又直言對香港一國兩制不感樂觀,指摘內地不明白香港制度,「佢哋無意中破壞我哋制度,根本唔識,事實上我好早就覺得已經唔得」,形容香港法治已經「冇咗」,加上立法會修改議事規則、DQ事件更令一國兩制蕩然無存,但他個人不感驚奇,「都有心理準備」,又直斥破壞一國兩制是「好醜陋」的事,「因為係好隆重咁喺全世界面前應承咗嘅嘢,而家咁破壞,係太瘋狂」,強調破壞香港「大家冇好處,跟住大陸一齊死,大陸可能多啲力量可以忍得,我哋冇咗就冇咗,香港好脆弱,破壞一國兩制好嚴重,希望有權啲人要選擇吓」。
回望雨傘運動,陳日君表示,當初並不太贊成學生做法,認為學生缺乏策略,面對狡猾的政府「輸咗好多」,但現時探望在囚青年,發現他們堅強又和平,「所以我覺得有將來嘅,暫時或者覺得好無奈,而家好似冇嘢,唔使心急,唔係冇嘢,係喺度成長緊」,他指雨傘運動可能令人對民主運動「驚驚哋」,但相信長遠而言會有好的效果,「至少引起國際注意」,直言政府現時不懼怕,但他日或會後悔,「嗰啲人以為自己可以放肆隨便做啲好唔公道嘅嘢,我哋唔使怕佢,唔使怕佢遲早上天會搞掂」。他寄語年輕人加強合作,並向外國如波蘭學習,在不違法情況下令政府擔心,要作出回應。
被問到他公開批評中梵秘密臨時協議引來指摘,被指挑戰教宗是違反教條,陳日君指「教宗不能錯」的適用範圍都有限制,好難用「不能錯」的權位行事,指教宗在智利犯錯後都勇敢認錯及道歉,並稱身為樞機,有責任為教宗給予意見,「唔係教宗講就聽,都要諗吓,以自己良心話教宗啱唔啱」,但強調並非指罵或攻擊教宗,僅是表達教廷有行為令人憂慮。
他指難以明白協議何以要秘密進行,認為即使是臨時協議都應公開,「係咪照呢個協議執行,我又唔知喎」,批評內地政府欺騙外界,指教宗到底同意了哪些事,「比如話要(教徒)上嚟參加愛國會(中國天主教愛國會),教宗無講㗎,協議肯定冇呢樣」,強調協議公開就不會出現這些問題。被問到會否被香港教區或者梵蒂岡「炒魷魚」,他認為不會,「樞機只有教宗係佢長上,就算國務卿唔鍾意我,佢都唔係我長上,佢無權」,加上他已退休,「我係好自由嘅人,冇得冇失」。