08-14-2010, 06:27 AM
隔牆有耳：民進黨借香港抗 ECFA
台灣民進黨新一波宣傳廣告，香港做咗主角，攝製隊專程嚟香港拍攝荒廢嘅廠廈、執紙皮嘅阿婆等畫面，仲配埋粵語旁白，話 CEPA搞到香港貧富懸殊惡化，以此嚟鬧爆馬英九同大陸簽署 CEPA翻版嘅 ECFA。廣告前晚出街，不但台灣人睇到，仲引起香港網民熱烈討論。近期積極發展台港關係嘅特區政府對於民進黨「唱衰香港」，只係回應話 CEPA嘅經濟效益「令人鼓舞」。
指大學生淪落掃街
今年底台灣有五都選舉，民進黨前日推出一系列廣告造勢，全部都係怒插 ECFA（兩岸經濟合作架構協議）。其中一輯開頭畫面係灰暗嘅維港，粵語 VO話：「香港，有好多有錢人……」鏡頭除咗遊客熟悉嘅中環商廈、天星小輪之外，仲喺舊區取景，又影吓街邊執紙皮嘅老人家，話「窮人越來越多……掃街嗰啲呀，十個有八個都係大學生」。
廣告用生滿雜草嘅觀塘廠廈外景作結，後面係 apm商場，話「有錢人有翅食，窮人粉絲都冇條？」最後打出字幕，「香港簽署 CEPA至今，已成為貧富差距最大的城市……我們不要富者越富，窮者越窮的 ECFA」。
條片喺網上同步發放，香港網民反應仲大過台灣，有人質疑大學生掃街嘅講法誇張，但亦唔少人超級認同香港貧富懸殊惡化，「怎麼台灣人比香港政府更了解香港實情？」工廈藝術家梁穎禮仲讚民進黨細心，「觀塘完全體現咗貧富懸殊，一座超靚嘅商業大廈，隔籬會有座超舊嘅工廠大廈」。
以前有個講法，就係大陸一直想用香港作為示範單位，去說服台灣人統一使乜驚呀，但台灣人根本唔受，家民進黨仲借阿爺「恩賜」香港嘅 CEPA嚟反 ECFA。八方噚日問主管台港關係嘅政制事務局點睇，誰不知佢唔答，轉畀商務及經濟發展局，再叫工貿署代答。工貿署書面回覆，話香港企業因為 CEPA賺咗 616億，而且唔止益大企業，中小企業同個體工商戶都受惠喎。理大應用社會科學系教授鍾劍華話香港貧富懸殊咁嚴重，係因為政府全力以赴向工商界傾斜，「有冇 CEPA，結果都一樣」。
http://hk.apple.nextmedia.com/template/a...coln_id=20
台灣民進黨新一波宣傳廣告，香港做咗主角，攝製隊專程嚟香港拍攝荒廢嘅廠廈、執紙皮嘅阿婆等畫面，仲配埋粵語旁白，話 CEPA搞到香港貧富懸殊惡化，以此嚟鬧爆馬英九同大陸簽署 CEPA翻版嘅 ECFA。廣告前晚出街，不但台灣人睇到，仲引起香港網民熱烈討論。近期積極發展台港關係嘅特區政府對於民進黨「唱衰香港」，只係回應話 CEPA嘅經濟效益「令人鼓舞」。
指大學生淪落掃街
今年底台灣有五都選舉，民進黨前日推出一系列廣告造勢，全部都係怒插 ECFA（兩岸經濟合作架構協議）。其中一輯開頭畫面係灰暗嘅維港，粵語 VO話：「香港，有好多有錢人……」鏡頭除咗遊客熟悉嘅中環商廈、天星小輪之外，仲喺舊區取景，又影吓街邊執紙皮嘅老人家，話「窮人越來越多……掃街嗰啲呀，十個有八個都係大學生」。
廣告用生滿雜草嘅觀塘廠廈外景作結，後面係 apm商場，話「有錢人有翅食，窮人粉絲都冇條？」最後打出字幕，「香港簽署 CEPA至今，已成為貧富差距最大的城市……我們不要富者越富，窮者越窮的 ECFA」。
條片喺網上同步發放，香港網民反應仲大過台灣，有人質疑大學生掃街嘅講法誇張，但亦唔少人超級認同香港貧富懸殊惡化，「怎麼台灣人比香港政府更了解香港實情？」工廈藝術家梁穎禮仲讚民進黨細心，「觀塘完全體現咗貧富懸殊，一座超靚嘅商業大廈，隔籬會有座超舊嘅工廠大廈」。
以前有個講法，就係大陸一直想用香港作為示範單位，去說服台灣人統一使乜驚呀，但台灣人根本唔受，家民進黨仲借阿爺「恩賜」香港嘅 CEPA嚟反 ECFA。八方噚日問主管台港關係嘅政制事務局點睇，誰不知佢唔答，轉畀商務及經濟發展局，再叫工貿署代答。工貿署書面回覆，話香港企業因為 CEPA賺咗 616億，而且唔止益大企業，中小企業同個體工商戶都受惠喎。理大應用社會科學系教授鍾劍華話香港貧富懸殊咁嚴重，係因為政府全力以赴向工商界傾斜，「有冇 CEPA，結果都一樣」。
http://hk.apple.nextmedia.com/template/a...coln_id=20