5招睇穿佢對你有無意思! - Printable Version +- www.forum4hk.com 一個香港只得一個支持言論自由香港論壇討論區一個多元化眾合論壇, 支持言論自由香港論壇討論區- (https://forum4hk.com) +-- Forum: 百科文化 (https://forum4hk.com/forumdisplay.php?fid=3) +--- Forum: 吹水Cafe (https://forum4hk.com/forumdisplay.php?fid=9) +--- Thread: 5招睇穿佢對你有無意思! (/showthread.php?tid=29265) |
5招睇穿佢對你有無意思! - Amigo - 10-24-2012 5招睇穿佢對你有無意思! http://hk.lifestyle.yahoo.com/5%E6%8B%9B%E7%9D%87%E7%A9%BF%E4%BD%A2%E5%B0%8D%E4%BD%A0%E6%9C%89%E7%84%A1%E6%84%8F%E6%80%9D-005500147.html 佢鍾意你,佢唔鍾意你……與其搣花瓣等運到,不如實際啲學吓點先可以睇穿佢個心!其實每個嘅小動作都係潛意識的反映,不妨留意以下幾樣嘢,可能會俾到你一啲hints! 留意他的身體語言 當你鍾意一個人,你就會覺得緊張,佢經過你身邊時,你會不其然咁撥吓頭髮、拉吓裙。男生都一樣會有類似嘅身體語言,由而家開始,就觀察佢有無以下嘅行為: 1.佢啲腳趾有無向住你? 唔係講笑!如果有,就表示你有機。專家話人類好自然會將腳趾向住自己鍾意嘅人! 2.佢嘅身體又有無向住你? 佢個頭可能係向住另一邊,又或者正同其他人講緊嘢,但如果佢留意到你,而且被你吸引,佢會不知不覺將身體轉向你嘅方向。(呢啲叫做潛意識!) 3.留意佢雙眼 眼睛唔止係靈魂之窗,如果佢鍾意你,佢嘅瞳孔就會放大;其實當你見到吸引你嘅人,都會有呢種自然反應(同喺昏暗燈光下嘅反應一樣)。呢個係反射動作,就算佢感覺到自己嘅反應,亦都會控制唔到。 留意你哋之間嘅距離 每個人都有自己嘅安全範圍,試諗吓你喺電梯或者地鐵入面,係咪都會盡量同啲奇怪又大汗嘅陌生人保持一定距離?其實男生同你保持嘅距離,都可以反映出佢鍾唔鍾意你。 4.相距一呎之內表示有好感 你會同陌生人保持一段距離,咁做壓迫感會少啲,同比較有安全感。如果佢肯接近你,表示佢信任你,覺得同你相處舒服。所以如果你哋嘅距離接近到可以聞到佢身上止汗劑嘅氣味,表示佢歡迎你進入佢嘅「友好範圍」,想同你有密切嘅來往。 5.聽聽「言」外之音 如果佢幫你改花名,咁你喺佢心目中應該有一定嘅地位。除非佢叫你做「牙肉王」或者「甲組腳」,咁佢可能係個衰人,又或者佢嘅示愛方式比較奇怪。佢因為你鍾意食榴槤而叫你做「榴槤妹」,最初你可能會對呢個花名有啲反感,但如果佢無留意你的喜好,又怎會有這個頑皮舉動?算係一個好嘅開始啊! |